Ош облусунун аймагындагы «Мырзак-Кара-Шоро» унаа жолу калыбына келтирилип, ачылды. Бул тууралуу Транспорт жана коммуникациялар министрлигинин басма сөз кызматы билдирди.

Маалыматка ылайык, учурда «Кыргызавтожол-Юг» мамлекеттик ишканасы жолдун четин бекемдөө жана суунун нугун буруу иштерин жүргүзүүдө.

Белгилей кетсек, бир күн мурун нөшөрлөп жааган жамгырдан улам сел жолдун 49-51-чакырымындагы тилкелерин жууп кеткен.