Президент Садыр Жапаров бир катар мамлекеттик органдардын жетекчилеринин, президенттин облустардагы ыйгарым укуктуу өкүлдөрүнүн, ошондой эле Бишкек жана Ош шаарларынын мэрлеринин катышуусунда Коопсуздук кеңешинин кезектеги жыйынын өткөрдү.
Мамлекет башчынын басма сөз кызматы билдиргендей, жыйында улуттук коопсуздукту камсыз кылуу жана Кыргыз Республикасынын стратегиялык объектилеринин тизмесине сунуштарды киргизүү маселелери каралды.
Улуттук коопсуздукту камсыз кылуунун, ошондой эле КР өкмөтүнүн 2014-жылдын 17-февралындагы № 99 токтому менен бекитилген, КР Стратегиялык объектилеринин тизмегине сунуштарды киргизүү жөнүндө айрым маселелер каралды.
Иш-чаранын жыйынтыгында бир катар жетекчилерге иштерин активдештирүүгө жана улуттук коопсуздук үчүн тобокелдиктерди жана коркунучтарды жоюу боюнча өз учурундагы чараларды көрүүгө тиешелүү тапшырмалар берилди.
