Кыргызстандын Улуттук олимпиада комитетинин президенти Умбеталы Кыдыралиев Эл аралык олимпиада комитетинин жетекчиси Томас Бах менен жолугушту. Бул тууралуу Кыргыз Республикасынын Улуттук Олимпиада комитетинин Instagram баракчасында жазылууда.
Маалыматка ылайык, бир күн мурун Умбеталы Кыдыралиев менен КР 1-вице-президенти Садыр Мамытов ЭОКтун Лозаннадагы штаб-квартирасына барышкан.
Томас Бах Умбеталы Кыдыралиевге Кыргызстандагы олимпиадалык кыймылдын өнүгүшүнө жана өлкөнүн Париждеги оюндардын жалпы ийгилигине кошкон салымы үчүн ыраазычылык билдирди. Ал белгилегендей, катышуучулардын саны жана алган медалдары боюнча Кыргызстан рейтингдин башында татыктуу турат.
Умбеталы Кыдыралиев Олимпиадалык тилектештик программаларынын алкагында көрсөткөн колдоосу үчүн КР УОКко ыраазычылык билдирди. Кыргыз Республикасынын Өкмөтү жана өнөктөштөр менен бирдикте өлкөдө өстүрүлгөн дээрлик бардык олимпиадалык спорт түрлөрү камтылды.
Тараптар Лос-Анжелестеги оюндардын программасына киргизилген жаңы цикл жана спорт, атап айтканда бокс боюнча Олимпиадалык тилектештиктин программаларынын актуалдуу маселелерин талкуулашты.
Эл аралык Олимпиада комитетинин президенти Умбеталы Кыдыралиевге Париждеги оюндардын алтын медалын тапшырып, алдыдагы Олимпиада оюндарына ийгилик каалады.
