8-апрелден тарта Бишкек-Ходжент багытында жаңы түз аба каттамдары ачылды. Бул тууралуу «Кыргызстандын аэропорттору» ААК билдирди.
Маалыматка ылайык, каттамдар шейшемби күндөрү аткарылары кабарланууда, бирок убакыттар өзгөрүшү мүмкүн.
Азыр график төмөнкүчө: Худжанд — Бишкек: ар шейшембиде учуу саат 12.45те, Бишкекке конуу 15.15те;
Бишкек — Худжанд: ар шейшембиде учуу саат 11.35те, Ходжентке келүү саат 12.05те.
Билет бир тарапка 8 миң сомдон.
«Кыргызстандын аэропорттору» ААКсы аба каттамдары жакын арада жумасына эки жолу аткарыла тургандыгын кошумчалады.
Эске салсак, Бишкектен Ходжентке алгачкы техникалык рейс 16-мартта болуп, анын ачылышы Кыргызстан менен Тажикстандын жарандары үчүн кошумча мүмкүнчүлүктөрдү түзүп, ошондой эле өлкөлөр ортосундагы экономикалык жана маданий байланыштарды өнүктүрүүгө өбөлгө болору белгиленген.
