Ала-Арча жаратылыш паркында эс алуучуларга шишкебек жана башка тамактарды жасоого тыюу салынат. Бул тууралуу бүгүн, 31-мартта журналисттерге президенттин иш башкармалыгын башчысы Каныбек Туманбаев билдирди.
Анын айтымында, 1-майдан баштап паркта эс алууну каалагандар үчүн жаңы эрежелер киргизилип, жаратылыш паркында коомдук тамактануу жайлары ачылат. Бул мамлекеттик мекемелер экенин Каныбек Туманбаев билдирди.
Кошумчалай кетсек, Ала-Арча аймагына электр менен иштеген унаалар гана киргизилет. Башкармадыктан буга чейин кадимки унаалары бар зыяратчылар үчүн 84 электромобил сатылып алынганын билдирди.
Буга чейин «Ала-Арча» жаратылыш паркынын аймагына автоунаалардын кирүүсүнө тыюу салынары айтылган. Зыяратчылар унааларын кире бериште калтырышат, ал эми адамдар 14 орундуу электромобилдер менен сейил бакты айланып өтүшөт.
