Кыргызстан Тоолуу курорттордун Евразиялык альянсына кошулду

Кыргыз Республикасынын Туризмди өнүктүрүүнү колдоо фонду Евразиялык тоо курорттор альянсына мүчө болду. Тиешелүү меморандумга Азербайжанда өткөн Евразиялык тоо туризми форумунда фонддун президенти Кылычбек Рысалиев кол койду.

Анын айтымында, альянска катышуу эл аралык инвестицияны тартып, Кыргызстандагы тоо кластерлерин өнүктүрүүгө багытталган ири туристтик долбоорлорду ишке ашырууну тездетет. Мындан тышкары, тоо инфраструктурасын өнүктүрүү өлкөнүн туристтер үчүн жагымдуулугун арттырып, жаңы жумуш орундарын түзүүгө жана аймактарда экономикалык өсүштү стимулдайт.

Евразиялык альянска Орусия, Казакстан, Өзбекстан жана Азербайжандагы тоо лыжа базалары, ошондой эле биринчи «Йонпхен» лыжа базасын ачууну пландап жаткан Түштүк Корея кирет.