Жогорку Кеңештин жыйынында УКМКнын төрагасы Камчыбек Ташиев 15-16-декабрда коррупционерлерден түшкөн каражат боюнча коомчулукка отчет берерин билдирди.
«Элдерде ушундай суроолор бар, мен билем. Мен баарын айтам, кимден канча акча, мүлк ж.б. алынганын, бул каражаттар кайда экенин да айтам. Тенгиз Бөлтүрүк боюнча да суроолорго жооп берем», — деди УКМКнын башчысы.
Эске сала кетсек, 5-декабрда УКМКнын башчысы коррупция үчүн айып пулду алып салуу боюнча мыйзам долбоорун биринчи окууда депутаттарга алып чыккан. Паракорчулукка күнөөлүүлөрдү эркинен ажыратуу сунушталууда. Документке ылайык, коррупционерлердин жакындарына да мамлекеттик жана муниципалдык кызматтарда иштөөгө тыюу салынат.
Эл өкүлдөрү мыйзам долбоорун биринчи окууда жактырышты.
