Бүгүн, 2-ноябрда Бишкек шаардык соту Кыргызстан социал-демократтар партиясынын мурда камакка алынган мүчөлөрү Темирлан Султанбеков, Ирина Карамушкина жана Роза Түрксевердин арызын карады.
Сот коллегиясы арызды канааттандырган эмес жана Свердлов райондук сотунун чечимин күчүндө калтырылды. Айыпталуучулардын адвокаттары өкүм боюнча жогорку инстанцияга — Жогорку сотко даттанышат жана баш коргоо чарасын өзгөртүүнү талап кылышат.
Камакка алынгандар добуштарды сатып алган деп айыпталууда. Камалгандан кийин дароо эле Социал-демократтар фракциясынын лидери Темирлан Султанбеков ачкачылык жарыялаган. Ал уланууда.
Эске сала кетсек, 15-ноябрда Бишкектин Свердлов райондук соту Социал-демократтар партиясынын лидери Темирлан Султанбековго жана камактагы мүчөлөрүнө карата баш коргоо чарасын камакка алуу чечимин чыгарган. Темирлан Султанбеков, Ирина Карамушкина жана Роза Турксевер 2025-жылдын 13-январына чейин СИЗО-1ге камалды.
13-ноябрда саясий партиянын башкы кеңсесинде тинтүү иштери жүргүзүлгөн. Борбор калаанын ички иштер башкы башкармалыгы социалдык тармактарда Аппарат жетекчисинин ортосундагы сүйлөшүүнүн аудиожазуусу пайда болгондон кийин КР Кылмыш-жаза кодексинин «Добуштарды сатып алуу» беренеси боюнча кылмыш иши козголгонун билдирген. Социал-демократтар партиясынын өкүлү Ирина Карамушкина менен талапкер Данияр Чолпонбаев жергиликтүү кеңештердин депутаттарын шайлоодо добуштарды сатып алуу фактысын талкуулашты.
Шайлоо 17-ноябрда өттү. Социал-демократтар партиясы козголгон кылмыш ишине байланыштуу БШКга шайлоого катышуудан убактылуу четтетилди.
