Жогорку Кеңештин бүгүн, 17-октябрдагы жалпы жыйынында депутат Таалайбек Сарыбашов Орусияда мигранттардын балдары мамлекеттик мектептерге кабыл алынбай жатканын айтты.
Ал министрлер кабинетине Кыргызстандын Билим берүү министрлигинен программа иштеп чыгып, мигрант балдарды онлайн режиминде окутууну өтүнгөн, анткени алардын баары эле жакшы акча таба бербейт жана жеке мектептерде балдарды окута алышпай тургандыгын белгиледи.
Эл өкүлү парламенттин төрагасына кайрылып, бул маселени чечүү үчүн Орусиянын Мамлекеттик Думасына кайрылууну өтүндү.
Эске салсак, сентябрь айында Жогорку Кеңештин Эл аралык иштер, коргоо, коопсуздук жана миграция боюнча комитетинин төрагасы Улан Примов Орусиянын Мамлекеттик Думасынын башчысынын орун басары Борис Чернышов менен жолугушкан. Миграциялык кырдаалга байланыштуу Улан Примов өзгөчө көңүлдү КР жарандарынын Россия Федерациясына кирүүдөн баш тартуу фактыларынын көбөйүп жаткандыгына жана россиялык аэропорттордун чек ара көзөмөл зоналарында текшерүү процедураларынын узактыгына бурду. Ал кошумчалагандай, кыргызстандыктар Москвадагы жана ушул эле аталыштагы облустагы билим берүү мекемелерине балдарды кабыл алуудан баш тартуу маселеси менен да кайрылышат.
