Милиция кызматкерлери алдамчылыкка шектүү жаранды кармашты. Бул тууралуу Ленин райондук ички иштер башкармалгы билдирди.
Маалыматка ылайык, 22-апрель күнү милицияга шаардын тургуну арыз менен кайрылган.
«Шектүү арыздануучунун ишеничине кирип, баасы 31 миң долларды түзгөн Toyota Land Cruiser унаасын сатып берем деп, аны үчүнчү тарапка 24 миң долларга сатып, өзүнүн карыздарынан кутулган. Андан соң белгисиз тарапка изин жашырып кеткен», — деп айтылат маалыматта.
Аталган факт боюнча «Алдамчылык» беренеси менен кылмыш иши козголгон.
Жүргүзүлгөн иликтөө жана ыкчам-издөө иш-чараларынын жүрүшүндө 41 жаштагы Д.М. аттуу жаран кармалып, убактылуу кармоочу жайына киргизилди.
Фото Ленин райондук ИИБ. Шектүү
Кармалган жарандын кылмыштуу аракеттеринен жапа чеккендер 0705 777505, 0704 237309 же 102 кыска номурларына кайрылса болот.
