Алдамчылыкка шектүү жаран кармалды. Бул тууралуу Баткен облустук ички иштер башкармалыгынын басма сөз кызматы билдирди.
Маалыматка ылайык, ал «Кызыл-Жол» кварталынын 35 жаштагы тургунунун Opel Astra үлгүсүндөгү унаасын 140 миң сомго сатып алып, акчасын үч ай ичинде берүүнү убада кылып, изин жашырып кеткен.
Кылмыш жаза кодексинин 209-беренеси (Алдамчылык) менен кылмыш иши козголгон.
Фото Баткен облусунун ички иштер башкармалыгы. Шектүү
Шектүү катары Жалал-Абад облусунун Базар-Коргон районунун 25 жаштагы М.Б. аттуу тургуну Бишкекте кармалып, Баткен шаарына алынып келди.
Учурда кармалган жаран убактылуу кармоо жайына киргизилип, тергөө иштери уланууда.
