Жакын арада ишке ашырылышы керек болгон 17 өнөр жай долбоору бар. Бул тууралуу экономика жана коммерция министринин орун басары Айнура Усенбекова бүгүн брифингде билдирди.
Анын айтымында, эң биринчилерден болуп автоунаа чыгаруучу ишкана ишке кирет. 2023-жылы Өзбекстандын президенти Шавкат Мирзиеевдин Кыргызстанга болгон сапарынын алкагында ири тетиктерди кураштыруучу заводду ишке киргизүү макулдашылган.
«Биз ишкана 2024-жылдын март айында иштей баштайт деп күтүп жатабыз. Мындан тышкары, модернизациялоодон кийин «Жунда» нефтини кайра иштетүүчү заводу, керамика такталарын, цемент продукциясын чыгаргын заводдор ишке кирет», — деп жыйынтыктады Айнура Усенбекова.
