Борбор Азия өлкөлөрүнүн жарандары жөнөкөйлөтүлгөн тартипте россиялык банктарда эсеп ача алышат. Орус өкмөтү 25 мамлекеттин жарандарына орус банктарында эсептерди жана депозиттерди ачуу үчүн уруксат берди. Тиешелүү буйрукка Россия Федерациясынын өкмөт башчысы Михаил Мишустин кол койду.
Россиянын банкында эсеп же аманат ачууну каалагандар Россияга киргенге чейин эле өз өлкөсүндө жайгашкан кредиттик уюмга документтердин пакетин тапшырышы керек. Келгенден кийин алар орус банктарында төлөмдөрдү жүргүзө алышарын билдирди Михаил Мишустин.
Механизм Орусияга келген туристтер жана ишкерлер үчүн ыңгайлуу болот, өнөктөш мамлекеттердин ишкер коомдоштуктарынын ортосундагы өз ара аракеттенүүнү жакшыртууга жардам берет.
Тизмеде 25 өлкө бар: Беларусь, Казакстан, Бразилия, Индия, Кытай, Сауд Арабиясы, Түркия, Азербайжан, Алжир, Армения, Бахрейн, Египет, Индонезия, Катар, Кыргызстан, Кувейт, Малайзия, Монголия, БАЭ, Оман, Пакистан, Тажикстан, Таиланд, Түркмөнстан жана Өзбекстан.
