Кыргызстандык спортчу Эрлан Шеров Кытайдын Ханчжоу шаарында өтүп жаткан Азия оюндарында алтын медаль тагынды. Бул тууралуу турнирдин сайтында маалымдалды.
90 килограммга чейинки салмак категориясында финалда Эрлан Шеров өзбекстандык Давлат Бобонов менен беттешип, жеңишке жетти.
Кыргызстандык спортчу буга чейин Кытай, Ливан жана Бириккен Араб Эмираттарынын өкүлдөрүн уткан.
Ал Кыргызстандын тарыхында Азия оюндарында алтын медалга ээ болгон биринчи дзюдочу болду.
Белгилей кетсек, бул өлкөнүн азыркы Азиа оюндарындагы биринчи медалы.
