Бажы кызматынын төрагасынын мурдакы орун басары Райымбек Матраимов жемкорлук боюнча күнөөлүү деп табылды. Ага каршы козголгон кылмыш иши боюнча Биринчи май райондук соту бүгүн өкүм чыгарды.
Райымбек Матраимов соттун жүрүшүндө күнөөсүн мойнуна алган. Жаза катары ага айып салынып, 260 миң сом төгүү милдеттендирилди.
Белгилей кетсек, буга чейин коомчулук мурдакы президент Сооронбай Жээнбековдон Райымбек Матраимовду жоопко тартууну талап кылып келген.
