Чүй облусунун Аламидин районунун тургуну зордуктоого шектелип кармалды. Бул тууралуу Чүй облустук Ички иштер башкармалыгынан билдиришти.
Маалыматка караганда, 19 жашар кыз милицияга арыз менен кайрылган. Анын айтымында, өз атасы тарабынан эки жолу зордуктоого кабылган.
Биринчи жолу кызын 2019-жылы зордуктаган. Акыркы жолу 1-февраль күнү саат 17.00дө кол салат. Кыз окуяны апасы айтып берип, экөө укук коргоо органдарына кайрылышат.
37 жаштагы шектүү кармалды. «Зордуктоо» факты менен иш козголуп, териштирүү башталды.
