Кыргызстан менен Казакстандын чек арасындагы «Каркыра» көзөмөл-өткөрмө бекети 30-ноябрдан тартып жабылды.
Мамлекеттик чек ара кызматы билдиргендей, бул аба ырайы менен жол шарттарына байланыштуу жана чукул кырдаалдарга жол бербөө максатында жасалды.
«Каркыра» көзөмөл-өткөрмө бекети 2021-жылдын 1-мартында кайрадан ишин жандандырып, кишилерди жана транспорт каражаттарын өткөрө баштайт.
Буга чейин Чек ара кызматы 2020-жылдан баштап көзөмөл-өткөрмө бекет жыл бою үзгүлтүксүз иштөө режимине өткөнүн кабарлаган.
