Ысык-Көл облустук штаб саясый партияларды санитардык-гигиеналык ченемдерди сактоого чакырды. Бул тууралуу облустук администрациядан билдиришти.
Ысык-Көл облусундагы ыйгарым укуктуу өкүлү Балбак Түлөбаевдин айтымында, партиялардын шайлоонун алдындагы иш-чаралары жергиликтүү өз алдынча башкаруу органдары бөлүп берген ачык аянттарда өткөрүлүшү керек.
«Саясий партиялар өзүнүн үгүт же башка иш-чараларын санитардык-гигиеналык ченемдерге ылайык өткөрүүгө милдеттүү, жана 50 кишиден көп эмес элди массалык чогултпашы керек. Саясий партиялар үгүт иштерин жергиликтүү өз алдынча башкаруу органдары бөлүп берген ачык аянттарда өткөрүшү зарыл», — деп билдирди ыйгарым укуктуу өкүл.
