03:54
USD 89.47
EUR 96.56
RUB 0.97

Маданият министрлиги кыргызча мультфильмдерди тартууга сынак жарыялады

Маданият, маалымат жана туризм министрлиги кыргыз тилинде мультфилмдердин сценарийине сынак жарыялады.

Анимациялык фильмди тартууга министрлик 10 мүнөттүк мультфильмге 1,5 миллион сом, 30 мүнөттүккө 2 миллион сом бөлүп берүүгө даяр.

Сценарийге болгон талаптар:

— Мазмундуулугу сынактын темасына ылайык келиши керек;
— Сынактык сценарийлерде болочок фильмдин балдарга болгон жеткиликтүүлүгү: материалдар жөнөкөй жана жаш балдардын аудиториясы үчүн түшүнүктүү жана жеткиликтүү тил менен баяндалышы зарыл;
— Идеянын креативдүүлүгү жана оригиналдуулугу: теманы берүү формасынын өзгөчөлүгү;
— Сынактык сценарийлерди тандоодо мекенди сүйүү, патриоттуулук, улуттук салттарга жана тарых, жаш муунду тарбиялоого басым жасоо мамилелери эске алынат.
— Мазмуну Кыргыз Республикасынын мыйзам ченемдерине карама-каршы келбеген жана мурда эч жерде жарыяланбаган болуусу милдеттүү.

Сынактын катышуучулары жиберилген сценарийге өздөрүнүн толук автордук укуктары бар экендигин тастыкташат. Аны атайын комиссия карап чыгат.

Сценарийлерди 13-мартка чейин жөнөтүү зарыл.

Эң көп окулган жаңылыктар