Орус-Кыргыз өнүктүрүү фонду 2020-жылы ишкерликти каржылоонун көлөмүн 105 миллион долларга чейин жеткирүүнү пландоодо. Бул тууралуу аталган фонддун башкармалыгынын төрагасы Эркин Асрандиев билдирди.
Ал анын ичинен 15 миллион доллары «РСК Банк» ААКна орто ишкерликти каржылоо үчүн узак мөөнөттүү насыя катары берилерин белгиледи.
«Жалпысынан бизнес-чөйрөдө активдүүлүк тенденциясы байкалууда. Түзүлгөндөн бери фонддун колдоосусунун жалпы көлөмү 379 миллион долларга жетти. Алардын ичинен каражаттын үчтөн эки бөлүгү артыкчылыктуу багыттарга — агроөнөржай комплексине, өндүрүш тармагына жана туризмге багытталууда», — деди Эркин Асрандиев.
Ал 2019-жылы Баткен, Талас жана Нарын облустарында үстүбүздөгү жылы бүтүрүлө турчу стартап-каржылоо боюнча атайын долбоорлор ишке киришкенин кошумчалады.
