15:21
USD 76.92
EUR 91.10
RUB 1.05

«ЭлТР» телерадиокомпаниясына жаңы директор дайындалды

Керимбек Калыкулов мамлекеттик телерадиоберүү компаниясынын башкы директору болуп дайындалды. Тиешелүү буйрукка премьер-министр Мухаммедкалый Абылгазиев кол койду. Бул тууралуу өкмөттүн аппаратынан билдиришти.

Ал эми Айбек Мусаев берген арызына ылайык, аталган телекомпаниянын башкы директору кызматынан бошотулду.

Керимбек Калыкулов 1981-жылы туулган. Жогорку билимдүү. Ош мамлекеттик университетинин филология факультетин аяктаган. Ал «Ош шамы» гезитинин башкы редактору, Ош мамлекеттик университетинин басма сөз кызматынын жетекчиси, Ош мамлекеттик университетинин кыргыз филологиясы факультетинин кыргыз адабияты кафедрасынын окутуучусу, Ош мамлекеттик университетинин «Үмүт» телестудиясынын директору, «Эркин Тоо» өкмөттүк гезитинин башкы редакторунун Ош облусундагы орун басары, Ош шаардык мэриясынын коомчулук менен байланыш кызматынын жетекчиси кызматтарында иштеген.

2014-жылдын июлунан бери ал «Телеканал ОшТВ» ЖЧКсынын башкы директору болуп иштеп келген.