Жалал-Абад облусуна караштуу Таш-Көмүр шаарында дайынсыз жоголгон жигитти издөө иштери токтотулду. Бул тууралуу ӨКМдин басма сөз кызматы билдирди.
26-декабрда 102 кызматына Таш-Көмүр шаарынын Чүйүт-Сай айылынын 1992-жылы туулган тургуну үйүнөн чыгып кеткен боюнча дайынсыз жоголгондугу тууралуу маалымат түшкөн.
Кечээ издөө иштерин улантуу үчүн ӨКМден 15 куткаруучу, ИИМден 5 кызматкер, жергиликтүү тургундардан 10 киши тартылган. Бирок 27 жаштагы жигит табылган эмес.
Туугандарынын катынын негизинде учурда издөө иштери токтотулду.
