06:00
USD 77.05
EUR 91.17
RUB 1.05

«Кара-Жыгач» калктуу конушунда курулуш компаниясы жолду бузуп салды

Бишкектеги «Кара-Жыгач» калктуу конушунда курулуш компаниясы түтүктөрдү орнотуу үчүн жолду бузуп салды. Бул тууралуу 24.kg агенттигине окурман билдирди. 

Анын айтымында, Субан Ата көчөсүндө компания көп кабаттуу үй курууда. 2-3 ай мурун жумушчулар түтүк орнотобуз деп жолду казышкан, бирок кайра калыбына келтирүү иштери жүргүзүлгөн эмес.

«Мурда бул жакта № 179 маршруттук унаа жүрчү, эми көчөнү айланып өтүп калды. Жолдо жүрүү мүмкүн эмес, унаалар араң өтөт. Жолдун жогору жагы асфальт болчу, аны дагы казып салышкан», — дейт окурман.