Республикалык клиникалык жугуштуу оорулар ооруканасына бир сутка ичинде (18.11.19-ж.) 269 бейтап кайрылган. Алардын ичинен 202си жаш балдар. Бул тууралуу Саламаттык сактоо министрлигинен билдиришти.
Кайрылгандардын 82си ооруканага жаткырылды, алардын 71и жаш балдар.
«Курч мүнөздөгү ичеги-карын инфекциялары менен 52 адам кайрылса, 29у ооруканага жаткырылып, 23 бейтапка амбулатордук жардам көрсөтүлгөн. Курч мүнөздөгү вирустук инфекциялар менен 41 адам кайрылган, алардын 13ү ооруканага жаткырылды», — деп айтылат маалыматта.
