Жалал-Абад облусундагы үйлөнүү үлпөт тойдо мушташкандар милицияга арыз жазуудан жана экспертизадан өтүүдөн баш тартышты. Бул тууралуу 24.kg агенттигине ОИИББдан билдиришти.
Маалыматка караганда, окуя Ноокен районунда болгон. Ооруканага жеңил жаракат алышкан 23 жана 25 жаштагы жигиттер кайрылышты. Аларга алгачкы жардам көрсөтүлгөнү менен ооруканага жаткырылышкан эмес.
Факт Кылмыштардын жана жоруктардын бирдиктүү реестрине катталды. Сотко чейинки териштирүү жүрүп жатат.
Эске салсак, буга чейин соцтармактарда үйлөнүү тойдогу жапырт мушташ тууралуу видео тараган.
