Бишкекте айдоочу мектеп окуучусун жөө адамдар өтүүчү жайдан койдуруп кетти. Бул тууралуу 24.kg агенттигине Жол кыймылынын коопсуздугун камсыздоо башкы башкармалыгынан билдиришти.
Маалыматка караганда, кыз уруксат берилген аймактан өтүп бара жаткан. Бирок айдоочу аны байкабай калып сүзүп алган.
«Окуучу кыз жаракат алды. Ага тез жардам кызматкерлери жардам көрсөтүштү. Унаа айып төлөөчү жайга киргизилди», -деп айтылат маалыматта.
Окуя бүгүн Жибек Жолу проспектисинде саат 12де болгон.
