Сүлүктү шаарындагы шахтада набыт болгондордун үй-бүлөсүнө жардам көрсөтүлдү. Бул тууралуу Жогорку Кеңештин «Республика- Ата Журт» фракциясы кабарлады.
Депутат Таабалды Тиллаев маркум шахтерлордун үй-бүлөлөрү менен жолугушуп, өзүнүн жана парламенттин төрагасынын атынан жардам берген.
Таабалды Тиллаев жергиликтүү бийлик органдарына кен казуучу жайда коопсуз чараларын сактоо боюнча түшүндүрүү иштерин жүргүзүп, мындай окуялардын алдын-алууну буйруду.
Эскерте кетсек, 5-октябрь күнү Сүлүктү шаарындагы көмүр кенине 40, 43 жана 44 жаштагы бир туугандар түшүп, кайра чыгышкан эмес.
