22:39
USD 69.74
EUR 79.24
RUB 1.05

Президенттин атына жарандардан 10 миң 126 кайрылуу келип түштү

Ушул жылдын сегиз ай аралыгында президенттин атына жарандардан 10 миң 126 кайрылуу келип түштү. Бул тууралуу президенттин басма сөз кызматынан билдиришти. Маалыматка ылайык, жазуу жүзүндө (электрондук) - 7 миң 726 кайрылуу келген.

Коомдук кабылдамаларда кабыл алынган жарандардын саны — 1 миң 190, «Ишеним телефондору» жана кызматтык телефондору аркылуу кайрылган жарандардын саны — 693, коомдук кабылдамаларда маалыматтык-укуктук кеңештерди жана жардамдарды алган жарандардын саны — 353, Биринчи радионун «Биринчи кабылдама» берүүсүнүн «түз эфири» аркылуу кайрылган жарандардын саны — 164 түздү.

Жазуу жүзүндөгү (электрондук) кайрылуулардын ичинен эң көп кайрылуу Бишкек шаарынын тургундарынан 3 миң кайрылуу, андан кийин Чүй облусунан — 1 миң 267, Жалал-Абад облусунан — 959, Ысык-Көл облусунан — 549, Ош облусунан — 547, Ош шаарынан — 402, Нарын облусунан — 298, Баткен облусунан — 385, Талас облусунан — 138, КМШ жана башка өлкөлөрдөн 181 кайрылуу келип түшкөн.

Эң көп окулган жаңылыктар