Бишкектеги Жал кичирайонундагы мушташты жаап-жашырууга аракет кылган милицияларды үй камагына чыгарышты. Бул тууралуу 24.kg агенттигине Биринчи Май райондук сотунан билдиришти.
Маалыматка ылайык, кечээ сот 2 шектүүнүн кызмат абалынан пайдаланган санкциясын карап чыккан.
Эске салсак, 28-августта Ахунбаев менен Курчатов көчөлөрүнүн кесилишиндеги «Ярмарка» супер маркетинин жанында мушташ болуп, 2 жаран катуу сабалган. Анын бири комадан чыкты, экинчисине операция жасалды. Кийин шектүүлөр издөөгө алынып, алар милицияга өздөрү келишкен. Шектүүлөрдү кое берип жиберген кызматкерлерге кылмыш иши козголду.
