Чүй облусуна караштуу Сокулук районунда талап тоноого шектүү делип 3 милиция кармалды. Бул тууралуу ОИИББдан билдиришти.
Маалыматка караганда, шектүүлөр жарандан 430 долларын карактап кетишкен.
«Иликтөөнүн жүрүшүндө шектүүлөрдүн бири милициянын формасын кийип жүргөнү анык болду. Алар Бишкектин патрулдук-пост кызматынын кызматкерлери болуп чыкты. Алар жабырлануучудан чөнтөгүндөгү баардык документтерди алып чыгуусун суранышкан, андан кийин акчасын алып алышкан. Шектүүлөр Сокулуктагы убактылуу кармоочу жайга киргизилди», -деп билдиришти ОИИББдан.
