16:14
USD 69.74
EUR 79.24
RUB 1.05

Улуу жана кичүү муундагы ырчылардан дуэт

Кыргызстанда шоу-бизнес өкүлдөрү арасында дуэт аткарып чыккан ырчылар арбын. Айрымдары достору, жакын санаалаштары менен бирге чыгарма аткарышса, кээ бири улуу муундагы ырчылар менен ырдагандар.

24.kg агенттиги улуу жана кичүү муундагы ырчылардан дуэттерди тизмектеди:

Улуу муундагы ырчылардын сап башында Кыргыз эл артисти Саламат Садыкова турат. Ал күйөө баласы ырчы Кубаныч Сатаев экөө «Кыргызстаным алгала» аттуу ырды бирге аткарышкан. Ырдын сөзү Саламат Садыкованын тун кызы, ди-джей Кундуз Авашевага, обону Кубаныч Сатаевге таандык.

Интернеттен алынды
Фото Интернеттен алынды

Мындан тышкары ырчы Саламат Садыкова менен «Кыз-Бурактын» мурунку мүчөсү Сайкал Садыбакасова экөө «Ак-Кайың» деген ырды чогуу аткарган видео интернетке тараган.

Белгилүү эстрада ырчысы, Эмгек сиңирген артист Бек Борбиев устат катары көптөгөн жаш ырчыларды уядан учурган. Ырчы Малика Дина экөөнүн аткаруусундагы «Жүрөгүм бүгүн» аттуу чыгарма көпчүлүктүн көңүлүнө жакты.

Интернеттен алынды
Фото Интернеттен алынды

Мындан сырткары ырчы Сайкал Садыбакасова менен «Секелек» аттуу чыгарманы аткарышты.

Интернеттен алынды
Фото Интернеттен алынды

Бек Борбиев Назми менен «Карындаш», Жумагүл Раимжан кызы менен «Кимди сүйөсүң» аттуу ырларды да аткарган. Аты таанымал болуп калган рэп ырчысы Добр менен дагы «Жапалак» аттуу ырын өзгөчө кылып ырдашкан.

Кыргыз эл артисти Гүлнур Сатылганова Адилет Азимов менен дуэт аткарган. Алардын «Болсочу» аттуу чыгармасы миңдеген көрүүчүлөргө жаккан.

Интернеттен алынды
Фото Интернеттен алынды

Мындан сырткары Гүлнур Сатылганова Омар менен «Без тебя скучаю», Мирбек Атабеков менен «Обон», Каныкей менен «Нандын жыты» аттуу чыгармаларды аткарган.

Белгилүү куудул, ырчы Кубик Абдыкалыков менен кызы Айперинин дуэтинен жаралган «Адамзат» аттуу чыгармасы бар.

Интернеттен алынды
Фото Интернеттен алынды

Ырчы, Эмгек сиңирген артист Расул Маматкулов кызы Айгерим менен «Мен кыргызмын» аттуу мекенчилдикке үндөгөн ырды бирге аткарышкан.

Интернеттен алынды
Фото Интернеттен алынды

Эмгек сиңирген артист Динара Акулова ырчы Арсен менен бирге «Жайлоодо» аттуу эски ырды аткарып чыгышкан.

Эмгек сиңирген артист Алтынай Нарбаева жана жаш болсо дагы таланты менен эл оозуна алынган Эмгек сиңирген артист Мирбек Атабеков «Мен сени сүйөм өмүр» аттуу ырды бирге аткарышкан.

Интернеттен алынды
Фото Интернеттен алынды

Эмгек сиңирген артист Айчүрөк Иманалиева менен ырчы Курал Чокоевдин дуэтинен жаралган «Айла жок» аттуу ыры бар.

Эң көп окулган жаңылыктар