Ош шаарынын Асранкулов көчөсүнө тротуар куруу иштери башталды. Бул тууралуу каала мэриясы билдирет.
Алардын маалыматында, тротуардын узндугу 157 метр, туурасы 3 метр болот.
Учурда таш таман (брусчатка) басууга даярдоо иштери жүрүүдө. Үч ай ичинде бүтүрүлөт.
Мэрия башка көчөлөрдө дагы тротуарларды курмакчы.
Белгилей кетсек, шаар тургундары көчөлөрдө жөө жүрүүчүлөр үчүн жолдор жоктугуна арызданып келишкен. Айрым көчөлөрдө жаңы салынган үйлөр, кафе, ишканалар тротуарга чейин чыкса, жаңы жолдордо жөө жүргүнчүлөр эске алынган эмес.
