Ош облусуна караштуу Кара-Суу районунда күйөө баласы кайненесинин чекесине, санына жана колдоруна бычак сайып салды. Бул тууралуу Ош облустук ички иштер башкармалыгынын басма сөз кызматынан билдиришти.

Маалыматка ылайык, Кара-Суу РИИБнин нөөмөт бөлүмүнө жергиликтүү тургун денесинен бир нече жаракат алып, Ош облустук ооруканасына түшкөндүгү тууралуу маалымат келип түшкөн.

Анда 44 жаштагы аялдын үйүнө күйөө баласы келип, эч себепсиз анын чекесине, колдоруна жана санына бычак менен бир нече жолу сайып жиберген. Кесепетинен аял денесинен оор жаракат алган.

Аталган кылмышка шектелип Кара-Суу районунун 21 жаштагы тургуну кармалды.