Кыргызстанга ветеринардык жана фитосанитардык лабораторияларды курууга Кытай 650 млн кытай юань грант берет. Бул тууралуу айыл-чарба министри Нурбек Мурашев парламенттин жыйынында билдирди.
Анын маалыматында, лабораторияны курууга Сокулук районундагы Ак-Жол айылы (Раздольное), Ат-Башы айыл өкмөтүндө жайгашкан жер тилкелери тандалып алынган. Жер тилкесин трансформациялоого район жетекчилери жана жергиликтүү эл менен сүйлөшүүлөр болуп, айыл өкмөтүнүн макулдугу алынган.
Депутаттардын бир тобу лабораторияларды куруу максатка ылайык келе тургандыгын. Бирок, ал үчүн суугат жерлерди бузбай, кайрак жерлерден тилке бөлүү керектигин белгилешти.
