Жалал-Абад облусунда бычактан жаракат алган журналисттин окуясы боюнча кылмыш иши козголду. Бул тууралуу Жалал-Абад ОИИБдан билдиришти.
Эске салсак, журналист Санрабия Сатыбалдиевага 9-ноябрда эртең менен үйүнөн чыгып баратканда белгисиз бирөө бычак сайган. Жабырлануучу ооруканага кайрылууга туура келген. Ал интернеттеги социалдык тармактардын биринде канал ачып, анда журналисттик ишмердүүлүгүн жүргүзүп келет.
Аталган факт боюнча Кылмыш-жаза кодексинин 151-беренесинин (журналисттердин мыйзамдуу кесиптик ишине тоскоолдук кылуу) негизинде кылмыш иши козголду.
