Кыргызстанда жыл башынан бери уюшкан кылмыштуу топтун 181 мүчөсү кармалды. Бул тууралуу маалымат жыйында ИИМ башчысы Кашкар Жунушалиев билдирди.
Айтымында, жыл башынан бери 22 миң 948 кылмыш катталды. Анын 15 миң 294үнүн бети ачылды.
Ички иштер органдары тарабынан 18 миң 503 кылмыш иши козголуп, алардын 12 миң 712си сотко өткөрүлүп берилди. Бул убакыт аралыгында 1 миң 538 кылмышкер кармалган, алардын ичинен 181и уюшкан кылмыштуу топтун мүчөлөрү.
