Ош облусуна караштуу Ноокат районунун Жаңы Ноокат айылынын окуучулары тоо этегинде каралбай калган үйдө билим алышат. Бул тууралуу 24.kg агенттигине окурмандар билдиришти.
Айтымында,"Агарт" башталгыч мектеби каралбай калган үйдө жайгашкан. Ал жакта электр жарыгы жана жылуулук жок.
«Айылда 31 түтүн жашайт, 14 бала мектепке барат. Бул жакта болгону 1 класс бар, анын абалы абдан начар», -дейт окурман.
