Бүгүн Жогорку Кеңештин жалпы жыйынында акыйкатчыны шайлоо өнөктүгү болот.
Аталган кызматка фракциялар тарабынан 5 талапкер көрсөтүлгөн. КСДП фракциясы Токон Мамытовду, «Бир Бол» фракциясы Рита Карасартованы, Маматурайим Момуновду жана Рыскул Бактыбаевди, «Ата Мекен» фракциясы Канатбек Азизди көрсөтүшкөн.
Эске салсак, буга чейин акыйкатчы кызматын Кубат Оторбаев аркалап келген. Ал ушул жылдын 26-июнунда өз каалоосу менен кызматтан кетүү боюнча арыз жазган болчу.
