Бишкек шаардык сотунун коллегиясы «Вечерний Бишкек» басма үйүнүн мурунку кожоюну Александр Кимге карата козголгон кылмыш иши боюнча чечимди чыгарды.
Маалым болгондой, сот биринчи инстанциянын өкүмүн күчүндө калтырды. Александр Ким 6 жылга шарттуу түрдө эркинен ажыратылды.
Александр Кимге карата Кылмыш-жаза кодексинин Коммерциялык мекеменин кызматкеринин ыйгарым укуктарынан аша чабышы беренеси менен кылмыш иши козголгон.
Соттун чечими менен ал жабырлануучу Александр Рябушкинге 27 миллион сом төлөп бериши керек.
