Бишкекте, бүгүн түш чендерде 15 жашар өспүрүмдү жөө адамдар өтүүчү кыядан унаа коюп кетти. Бул тууралуу «24.kg» агенттигине шаардын жол кыймылын көзөмөлдөө башкы башкармалыгынан билдиришти.
Маалыматка караганда, жабырлануучу ар кандай жаракаттары менен ооруканага жеткирилди.
«Daewoo Nexia үлгүсүндөгү унаанын айдоочусу Абдрахманов көчөсү менен түштүк тарапка бара жаткан. Ал 15 жашар өспүрүмдү жөө адамдар өтүүчү кыядан сүзүп алды. Окуя болгон жерде жол кыймылын көзөмөлдөө башкы башкармалыгынын кызматкерлери иш алып барышууда», - деп жазылат маалыматта.
