Бишкек-«Манас» аба майданы унаа жолундагы кырсыктан беш бала жабыркады. Бул тууралуу «24.kg» агенттигине Чүй облустук жол кыймылы коопсуздугун көзөмөлдөө башкы башкармалыгынан билдиришти.
Маалыматка караганда, Volkswagen үлгүсүндөгү унаа «Манас» аба майданына бара жаткан. Toyota Highlander үлгүсүндөгү унаа анын алдына озуп өтүүгө аракет кылган, бирок айдоочу рулга ээ боло албай жолдогу тосмону сүзүп токтогон. Жолдо келе жаткан Mercedes-Benz унаасы артынан сүзгөн.
«Жол кырсыгынын кесепетинен 9 жаштардагы 4 бала жана 12 жаштагы өспүрүм жабыркаган. Ооруканага жеткирилген балдарга амбулатордук жардам көрсөтүлдү», — деп билдирди башкармалыктан.
