УКМК спорт буюмдарын сатып алууга 132 миң сом коротот. Бул тууралуу Мамлекеттик сатып алуулар порталы жазып чыкты.
Маалыматка ылайык, жасалма булгаарыдан үч футбол тобу, эки баскетбол тобу, жыгачтан жасалган бир шахмат доскасы жана шахмат оюндары үчүн эки электрондук саат сатылып алынат.
Ошондой эле чекисттер 1,2,3 жана 4-орундар үчүн 15 кубок, кызыл тасмасы менен 8 медаль, спорттун ар башка түрү боюнча 3- желекче, дартс мишенин жана номерлер басылган оюн формаларын алат.
