Ооганстандагы кооптонууларга байланыштуу Орусия Кыргызстандагы жана Тажикстандагы аскердик базасын күчтөндүрөт. Бул тууралуу Орусиянын коргоо министри Сергей Шойгуга шилтеме берүү менен РИА «Новости» жазып чыкты.
Анын айтымында, Борбор Азияга Ооганстандан террордук иш-чаралардын ооп келүүсүн алдын алуу үчүн база заманбап курал-жарактар менен камсыздалат. Борбордук Азия мамлекеттеринин куралдуу күчтөрүнө жардам берүү менен алардын аскердик мүмкүнчүлүктөрүн жогорулатууга басым жасалат.
