Бишкектеги «Аккула» ат майданында Нооруз майрамына арналган көк бөрү боюнча республикалык мелдеш башталды. Бул тууралуу super.kg сайты маалымдайт.
Алардын маалыматында, 16 команда күч сынашууда. Бүгүн 8 команда өз ара беттешип, чейрек финалга өткөн алгачкы командалар аныкталды.
Алгач «Ынтымак» жана «Келечек» командалары таймашты. Таластын «Ынтымак» командасы «Келечекти» 6:0 эсебинде жеңип чыкты.
Ал эми «Толкун» командасы «Төш-Булакты» 12:0 эсебинде утуп алды.
Андан соң «Биримдик Аю» Нарындын «Дөлөн» командасы менен күч сынашып, 7:0 эсебинде Сокулуктун улакчылары жеңип чыкты.
Акыркылардан болуп таймашкан Таластын «Мурас» командасы «Казарман» командасын 1:14 эсебинде артка таштады. Жыйынтыгында «Ынтымак», «Толкун», «Биримдик Аю» жана «Мурас» командалары чейрек финалга чыкты.
Эртең, 16-мартта жарым чейрек финалда 8 команда ат салышып, жеңүүчүлөр чейрек финалга чыгат.
