Көк бөрүчү Манас Ниязовдун 2016-жылы II Дүйнөлүк Көчмөндөр оюндарында кийген формасы Көк бөрү федерациясынын «Инстаграмдагы» расмий аккаунтуна өтүп жаткан аукциондо 77 миң сом сунушталды.
Аукцион 19-январда жыйынтыкталат.
Федерация аукциондон түшкөн каражатты ушул жылдын май айында жараат алган улакчы Дастан Жакеевге жардам иретинде берет.
Дастан Жакеев өткөн жылдын май айында «Ак кула» ат майданында өткөн Чүйдүн көк бөрү чемпионатында аттан жыгылып кырсыктап калган. Азыр ооруканада дарыланууда. Өз алдынча баса албайт.
