14:47
USD 68.90
EUR 80.95
RUB 1.04

Токиодогу кыргыздар Ак калпак күнүнө карата тушоо кесүү өткөрдү

Токио шаарында жашаган мекендештер Ак калпак күнүнө карата тушоо кесүү уюштурду. Бул тууралуу Япониядагы кыргыз диаспорасынын өкүлдөрү билдиришти.

Алардын маалыматында, 4-март күнү Токиодо иштеп, окуп жүргөн 50дөй мекендештер топтолду. Төрт үй-бүлөнүн жаңы кадам шилтеген балдарынын тушоосун кесилди.

«Өзүбүздүн ашканын тамактарын жасап, таза абада баарлашып, жакындан таанышып алдык. Тушоо кесүүдө балдар чуркап, белек алып кубанып калышты. Балдарыбызга каада-салтты үлгү кылып көрсөтүп, бири-бири менен эне-тилинде сүйлөшүп алуусуна шарт түзүү үчүн жолугушууларды байма-бай өткөрүп туралы деп чечтик» -дейт иш-чаранын уюштуруучусу Гүлзар Мухтарова.

Диаспора өкүлдөрүнүн билдирүүсүндө, Японидагы кыргыздардын саны азыр 500гө жакын. Акыркы жылдары Japan Stile программасы менен иштөөгө келгендер көбөйдү.

Эң көп окулган жаңылыктар