2017-жылы 404 мектеп окуучусунан кургак учук аныкталды. Анын ичинде кургак учуктун ачык түрү менен ооругандары дагы бар. Бул тууралуу Жогорку Кеңештин бүгүнкү отурумунда Фтизиатрия улуттук борборунун жетекчиси Абдулаат Кадыров билдирди.
Анын айтымында, 20га жакын баладан кургак учуктун ачык түрү табылган. Бирок, медиктердин билдирүүсүндө, бул илдетке чалдыккандардын саны кыскарууда. 2016-жылы 5 миң 680, 2017 жылы 5 миң 570 киши кургак учук менен катталды.
