Ысык-Көл облусунун Ак-Суу районундагы Нововознесеновка айыл аймагын Боз-Учук айыл аймагы деп өзгөртүлдү. Бул тууралуу буйрукка бүгүн президент Сооронбай Жээнбеков кол койду.
Андан тышкары, Жалал-Абад облусунун Сузак районунун Ленин айыл аймагындагы Гавриловка айылынын жана Фрунзе айылынын аталыштары өзгөрдү. Бул айылдар эми Орто-Сай жана Жыгач-Коргон деп аталышат. Айылдарга алардын тарыхый аттары кайтарылды.
Мыйзам Кыргыз Республикасынын Жогорку Кеңеши тарабынан 2017-жылдын 21-декабрында кабыл алынган.
