Сауд Арабия бийлиги өлкөдөгү коррупциялык иликтөөлөргө байланыштуу эки жүздөн ашуун кишини суракка алып, айып такпастан жетөөнү гана коё берди.
Сауд Арабиянын башкы прокурору 9-ноябрда жемкорлук схемаларынан өлкө 100 миллиард доллардан ашуун зыян тарканын билдирди. Анын айтымында, үч жыл иликтөө жүргөн.
Королдукта бир жарым миңден ашуун банк эсептери тоңдурулду. Иликтөө өлкөнүн аймагынан тышкары жерлерде дагы жүргүзүлүүдө. Бириккен Араб Эмиратынын борбордук банкы Сауд Арабиядагы 19 букарасынын эсептери боюнча маалымат сурады. Банкирлер Reuters агенттигине көптөгөн кардарлар аймактагы активдерин сатып кетип жатканын айтышкан.
5-ноябрда Сауд Арабиясында 11 ханзаада, төрт азыркы жана ондогон мурдагы министрлер кармалган. Ишти мураскор ханзаада Мухаммад бен Салмандын көрсөтмөсү менен жаңы түзүлгөн Коррупция менен күрөшүү комитети алып барууда.
