Президенттикке талапкер Темир Сариев Бишкек шаарындагы № 1046 шайлоо тилкесинде добуш берди.
Ал жарандык милдетин аткаргандан кийин журналисттерге шайланып калса, ишин эмнеден баштарын айтып берди.
«Биздин программада 100 күндүн ишибиз жазылган. Алгач элге кайрылуу жасап, тынчтык жана биримдикке чакырабыз» - деди ал.
Темир Сариев анын штабы шайлоо тилкелеринде байкоо жүргүзүп, мыйзам бузуулар тууралуу маалыматтарды топтоп жатышканын маалымдады.
